2025 թվականի մայիսի 28-ից մինչև հունիսի 1-ը «Նոր Տուն» ցանցի երեք աշխատակիցներ, որպես Marburg պաստառների լավագույն վաճառողներ, բրենդ մենեջերի հետ միասին այցելեցին Գերմանիայի Marburg գործարան։
Այցը կազմակերպվել էր «ԲԱՐՍԻՍ» ընկերության և Marburg բրենդի կողմից հայտարարված մրցույթի շրջանակում՝ որպես խրախուսանք այն աշխատակիցներին, ովքեր ցուցաբերել էին վաճառքի լավագույն արդյունքները։
2025 թվականի մայիսի 20-ին և 21-ին «Ալեքսանդր» հյուրանոցում կայացավ հանդիպում-թրեյնինգ L’Oréal Luxe բրենդի ներկայացուցիչների հետ։
Թրեյնինգին մասնակցում էին «ԲԱՐՍԻՍ» ընկերության աշխատակիցները, ովքեր հնարավորություն ունեցան անմիջականորեն ծանոթանալու միջազգային բրենդների նորություններին և մասնագիտական մոտեցումներին։
Հանդիպման ընթացքում ներկայացվեցին աշխարհահռչակ բրենդների՝ Yves Saint Laurent, Prada, Valentino, Armani, Lancôme Paris նորույթները:
2025 թվականի մայիսի 14-ին «Նոր Տուն» խանութների ցանցի Ռոստովյան 69/5 հասցեում գործող մասնաճյուղում անցկացվեց վերապատրաստում՝ Argenta բրենդի ներկայացուցիչների կողմից։
Վերապատրաստմանը մասնակցում էին «Նոր Տուն» ցանցի սալիկների բաժնի բոլոր աշխատակիցները, ովքեր հնարավորություն ունեցան ծանոթանալու բրենդի արտադրատեսականու առանձնահատկություններին, նոր մոդելներին և տեխնիկական մանրամասներին։
«ԲԱՐՍԻՍ» ընկերությունը խրախուսում է նմանօրինակ մասնագիտական հանդիպումները՝ վստահ լինելով, որ բարձրակարգ սպասարկումը սկսվում է որակյալ գիտելիքից։
«Բարսիս» ընկերությունը և գերմանական Classen բրենդը մեկնարկել էին մրցույթ՝ նպատակ ունենալով խրախուսել լամինատի լավագույն վաճառքի ցուցանիշներ ցուցաբերած աշխատակցին:
Ապրիլի 7-ին մրցույթի հաղթող մասնակիցը, բրենդ մենեջերի ուղեկցությամբ, իրականացրեց երկօրյա այց Գերմանիա՝ Classen բրենդի գործարան։
Մրցույթը նպատակ ուներ խրախուսելու և մոտիվացնելու աշխատակիցներին՝ ցուցաբերելու առավելագույն արդյունքներ։
