2025 թվականի հունիսի 12-ին «Նոր Տուն» խանութների ցանցի Դավիթ Բեկի մասնաճյուղում անցկացվեց մասնագիտական դասընթաց՝ Fondital բրենդի ներկայացուցիչների կողմից:
Իտալիայից ժամանել էին Fondital-ի վաճառքի մենեջերները և սպասարկման կենտրոնի տնօրենը, ովքեր մանրամասն ներկայացրին բրենդի ջեռուցման համակարգերի տեխնիկական առանձնահատկությունները։
Հպարտ ենք լինել ջեռուցման իտալական բրենդի պաշտոնական ներմուծողն ու ներկայացուցիչը:
2025 թվականի հունիսի 11-ին և 12-ին Inglot բրենդի կողմից ժամանած մասնագետը իրականացրեց երկօրյա վերապատրաստում IBIS Yerevan հյուրանոցում՝ «Mary Parfum» խանութների ցանցի աշխատակիցների համար։
Ծրագրի ընթացքում անցկացվեցին ինչպես տեսական դասընթացներ, այնպես էլ գործնական ՝ դիմահարդարում Inglot բրենդի ապրանքատեսականիով:
«Բարսիս» ՍՊԸ-ն շարունակում է խրախուսել մասնագիտական աճն ու ոլորտային զարգացումը։
2025 թվականի հունիսի 10-ին «Նոր Տուն» խանութների ցանցի ք. Արմավիր, Երևանյան 20/1 հասցեում գործող մասնաճյուղում անցկացվեց տեղեկատվական դասընթաց՝ Fondital ընկերության ներկայացուցիչների մասնակցությամբ։
Այցի ընթացքում Fondital-ի ներկայացուցիչները պատասխանեցին խանութ-սրահի աշխատակիցների հարցերին, իսկ դասընթացի ավարտին ընկերության կողմից հանձնվեց պաշտոնական հավաստագիր, որը վկայում է, որ «Նոր Տուն»-ը հանդիսանում է Fondital բրենդի պաշտոնական ներկայացուցիչը Հայաստանում։
«ԲԱՐՍԻՍ» ՍՊԸ-ն կարևորում է նմանօրինակ վերապատրաստումները և փոխադարձ այցերը՝ այն դարձնելով ընկերության մշակույթի մի մասը:
2025 թվականի մայիսի 28-ից մինչև հունիսի 1-ը «Նոր Տուն» ցանցի երեք աշխատակիցներ, որպես Marburg պաստառների լավագույն վաճառողներ, բրենդ մենեջերի հետ միասին այցելեցին Գերմանիայի Marburg գործարան։
Այցը կազմակերպվել էր «ԲԱՐՍԻՍ» ընկերության և Marburg բրենդի կողմից հայտարարված մրցույթի շրջանակում՝ որպես խրախուսանք այն աշխատակիցներին, ովքեր ցուցաբերել էին վաճառքի լավագույն արդյունքները։
