Ունենալով 21 վաճառակետ Հայաստանում՝ «ՆՈՐ ՏՈՒՆ» խանութների ցանցը մեծ ճանաչում է ձեռք բերել շնորհիվ առաջարկվող ապրանքների բարձր որակի և միաժամանակ գնային ճկուն համակարգի: «ՆՈՐ ՏՈՒՆ»-ը զբաղվում է շինանյութի մանրածախ և մեծածախ վաճառքով:

«ՆՈՐ ՏՈՒՆ» խանութների ցանցին կից գործող սպասարկման կենտրոնը կատարում է բնակելի, հասարակական և արտադրական նշանակության շինությունների ջեռուցման և հովացման համակարգերի նախագծում և մոնտաժ, ինչպես նաև երաշխիքային և հետերաշխիքային սպասարկում՝ շահագործման մեջ գտնվող 70.000-ից ավել կաթսաների և օդորակիչների համար:

«ՆՈՐ ՏՈՒՆ» խանութների ցանցն իրականացնում է նաև շուրջ 1000 ապրանքների տեղադրման ծառայություններ ՝ սանիտարական կերամիկա, կախովի առաստաղներ, լամինատե հատակներ, միջսենյակային դռներ և այլն: Սպասարկման կենտրոնին կից գործում է նաև սարքավորումներով հագեցած լաբորատորիա, որտեղ բացի կաթսաներից և օդորակիչներից իրականացվում է ցանցում վաճառվող բոլոր տեսակի էլեկտրամեխանիկական սարքավորումների դիագնոստիկ փորձաքննություն և վերանորոգում:

Հաշվի առնելով շուկայում առկա պահանջարկը՝ «ԲԱՐՍԻՍ» ՍՊԸ-ն 2009 թ.-ին ստանձնեց մետաղապլաստե և պոլիպրոպիլենային խողովակների արտադրության գործընթացը՝ «KALDO» ապրանքանիշի ներքո: 2009թ. սեպտեմբերից շահագործման հանձնվեց երկու հոսքագիծ, որոնց վրա արտադրվում են տաք և սառը ջրի համար նախատեսված խողովակներ: Հաշվի առնելով ժամանակի պահանջները ՝ 2012թ. փետրվարից ավելացել է նաև երրորդ հոսքագիծը:

Հետագայում «KALDO» ապրանքանիշի ներքո շուկայում ներկայացվեցին նաև հետևյալ ապրանքները՝ ճկախողովակներ, կցամասեր, փականներ, ֆում, սիֆոն, մետաղական լվացարաններ, ծորակներ, ցնցուղներ, պոմպեր, գործիքներ։

2012թ.-ից «KALDO» ապրանքանիշը կայուն դիրք է գրավում շուկայում, ինչի մասին վկայում են նույն թվականին Հայաստանում և Վրաստանում տեղի ունեցած ցուցահանդեսները, որտեղ ավելի մեծացավ հետաքրքրությունն ապրանքանիշի նկատմամբ: 2010 թ.-ի հունիսի 23-ին «KALDO» ապրանքանիշն արժանացավ որակի կառավարման համակարգի ISO 9001:2008 միջազգային ստանդարտին:

«Մերի» օծանելիքի խանութների ցանցը սկսեց իր ուրույն տեղը զբաղեցնել Երևանում սկսած 1996 թ.-ից՝ ներկայացնելով ոչ միայն իր առաջին, այլև ՀՀ-ում օծանելիքի առաջին խանութ-սրահը Աբովյան 31 հասցեում: Թվով երկրորդ խանութ-սրահը բացվեց անմիջապես հաջորդ տարի: Այսօր արդեն գործում է 8 խանութ-սրահ։

Տարիների ընթացքում «Մերի» խանութների ցանցը մեծ ճանաչում ձեռք բերեց` շնորհիվ առաջարկվող ապրանքների բարձր որակի և միաժամանակ գնային ճկուն համակարգի: «Մերի» խանութների ցանցը համարվում է այնպիսի հանրահայտ ապրանքանիշների միակ և պաշտոնական ներկայացուցիչը ՀՀ-ում, ինչպիսիք են` Pupa Milano, Garnier, L’Oréal Paris, Maybelline NY, Lirene, Van Cleef & Arpels, S.T. Dupont, Boucheron, Montblanc, Jimmy Choo, Karl Lagerfeld, Lanvin Paris, Coach, Mesauda Milano և այլն:

«ԲԱՐՍԻՍ» ընկերությունը 1998թ.-ից սկսել է աշխատել աշխարհահռչակ L’Oréal ընկերության հետ և հանդիսանում է վերջինիս պաշտոնական ներկայացուցիչը Հայաստանում։ Ընկերությունը զբաղվում է Garnier, L’Oréal Paris և Maybelline NY ապրանքանիշների մանրամեծածախ վաճառքով, ունի ավելի քան 703 վաճառակետ և 35 հոգուց բաղկացած թիմ:

L’Oréal ընկերությունն արտադրում է կոսմետիկայի, օծանելիքի, մաշկի ու մազերի խնամքի միջոցների հայտնի ապրանքանիշներ, ինչպիսիք են` L’Oréal Paris, Garnier, Maybelline New York, Giorgio Armani, Lancôme, Yves Saint Laurent, Biotherm, Valentino, Prada, Maison Margiela:

Ներկայումս ընկերությունն իրականացնում է ապրանքների ներմուծումը Ռուսաստանից և Փարիզից։